Biblioteca pastorala

La biblioteca pastorala è la biblioteca da la sinoda evangelica retica, q.v.d. la biblioteca da tut las reverendas refurmadas e da tut ils reverendas refurmads dal chantun Grischun. L'onn 1910 è ella arrivada – sco deposit permanent – en la biblioteca chantunala. L'origin da la biblioteca pastorala è il 19avel tschientaner. Oz cuntegna ella dentant in effectiv prezius da scrittiras raras che dateschan gia dal temp da la refurma, il 16avel tschientaner. Correspundentamain a ses origin ed a ses intent metta ella oz l'accent sin l'acquisiziun e sin la collecziun d'ovras da la teologia protestanta.

Per garantir la cuntinuitad e la coerenza da l'effectiv vegnan las acquisiziuns fatgas tenor il profil d'acquisiziun.

Ils effectivs da la biblioteca pastorala èn accessibels tenor l'urden da diever da la biblioteca chantunala dal Grischun e pon vegnir emprestadas tut tenor lur vegliadetgna. Ils effectivs pli novs stattan a disposiziun en il sectur a liber access e pon vegnir consultads er en l'internet; a lunga vista vegnan integrads er ils effectivs pli vegls en il catalog online da l'uniun da bibliotecas dal Grischun.

Il bibliotecari pastoral è per regla preschent la gievgia suentermezdi en la biblioteca chantunala; per e-mail al pudais Vus far dumondas e propostas er ordaifer quest temp.