Proposta electorala: Prescripziuns generalas
Èsi pussaivel d'inoltrar ina glista sco proposta electorala, sch'ella na cuntegna betg uschè bleras candidatas e candidats sco quai ch'i èn d'occupar sezs en il circul electoral?
Gea. La lescha fixescha mo, che la proposta electorala dastga cuntegnair maximalmain tants nums da persunas elegiblas sco quai ch'i ston vegnir elegidas commembras e commembers dal Cussegl naziunal en il circul electoral (en il chantun Grischun 5), e nagin num dapli che duas giadas (art. 22 al. 1 LDP; CS 161.1). Percunter dastga ina proposta electorala cuntegnair damain nums che quai ch'i èn d'occupar sezs.
Cura è l'ultim termin per annunziar las propostas electoralas?
Las propostas electoralas ston arrivar tar la Chanzlia chantunala fin il pli tard il 11avel glindesdi avant il di d'elecziun. Propostas electoralas che vegnan inoltradas suenter quest termin na vegnan betg resguardadas (art. 7 da l'Ordinaziun davart las elecziuns dal Cussegl naziunal; DG 150.300). Per las elecziuns da renovaziun dals 22 d'october 2023 ston las propostas electoralas pia esser arrivadas fin il pli tard glindesdi, ils 7 d'avust 2023, a las 12.00, tar la Chanzlia chantunala.
Organisescha il chantun ina spediziun da reclama electorala per las glistas che candideschan?
Na. Igl è chaussa da las partidas politicas da s'organisar en quest reguard e da procurar per in'eventuala spediziun coordinada dal material electoral politic.