Tge funcziun han las represchentantas ed ils represchentants da la proposta electorala tar las elecziuns dal Cussegl naziunal?

Las represchentantas ed ils represchentants sco er in'ulteriura persuna sco substituta u substitut d'ina proposta electorala èn responsabels per il contact cun las autoritads. Els èn autorisads ed obligads da far – en moda giuridicamain lianta – las decleraziuns necessarias per eliminar differenzas. Ultra da quai pon els er far decleraziuns da colliaziuns e da sutcolliaziuns da glistas.

Ston las represchentantas ed ils represchentants sco er las substitutas ed ils substituts avair lur domicil en il chantun?

Gea. Questas persunas ston avair il dretg da votar en il chantun Grischun.

Po ina persuna represchentar u substituir pliras propostas electoralas?

Na. Ina persuna po represchentar u substituir mo in'unica proposta electorala.

Ston er sutcolliaziuns da glistas definir atgnas represchentantas ed agens represchentants?

Gea. En cas da glistas sutcolliadas ina cun l'autra sto mintga glista definir mintgamai in'atgna represchentanza sco er in'atgna substituziun.