La not dals 15 sin ils 16 da november 2023 ha la surveglianza chantunala da chatscha sajettà in luf giuven dal triep da Valgronda entaifer il perimeter permess. L'Uffizi federal d'ambient (UFAM) aveva permess ils 7 d'avust 2023 da sajettar trais lufs giuvens. Cun il terz luf ch'è vegnì sajettà è terminada la regulaziun.

Per l'analisa patologica vegnan ils lufs sajettads ussa transferids al Center per medischina da peschs e selvaschina (FIWI) a Berna. L'analisa genetica vegn fatga al Laboratoire de biologie de la conservation da l'Universitad da Losanna.