Tenor la legislaziun da pestga (art. 5 LCP, art. 9 OCP) ston las pestgadras ed ils pestgaders che cumpran ina patenta per in onn u per in mais, cumprovar d'avair las enconuschientschas necessarias per la pestga (attest davart las enconuschientschas da la materia [AEM]).
Attest davart las enconuschientschas da la materia (AEM)
Il AEM po vegnir acquistà en il rom d'in curs per pestgadras e pestgaders giuvens e novs. S'annunziar pon ins online: www.anglerausbildung.ch/sana-Kurse
Pestga d'exercizi
Per motivs da scolaziun e da furmaziun supplementara pussibilitescha il chantun la pestga d'exercizi en auas publicas ubain en puzs d'exercizi ch'èn determinads aposta per quest intent.
Per la pestga d'exercizi senza patenta ed ordaifer la stagiun da pestga sco er per far diever d'in puz d'exercizi dovri ina permissiun correspundenta da l'Uffizi da chatscha e pestga cumpetent.