Ils burgais d'UE/AECL pon viver en Svizra senza permissiun durant maximalmain 90 dis per perioda da retratga da 180 dis sco turists/visitaders. Il di da l'entrada e da la sortida vegn agiuntà a la durada da dimora.

Burgais d'in stadi terz che disponan d'in titel da dimora valaivel d'in stadi da Schengen, pon viver en Svizra senza permissiun durant maximalmain 90 dis per perioda da retratga da 180 dis sco turists/visitaders. Il di da l'entrada e da la sortida vegn agiuntà a la durada da dimora.

Burgais d'in stadi terz senza in titel da dimora valaivel d'in stadi da Schengen ch'èn dentant deliberads da l'obligatori da visum, pon viver en il spazi Schengen durant maximalmain 90 dis per perioda da retratga da 180 dis sco turists/visitaders. Il di da l'entrada e da la sortida vegn agiuntà a la durada da dimora. Tar l'entrada en il spazi Schengen dovran ins in document da viadi renconuschì ch'è valaivel almain trais mais sur la data da la sortida prevesida dal spazi Schengen ed è vegnì emess avant damain che diesch onns (la data d'emissiun è mo relevanta per l'entrada en il spazi Schengen).

Burgais d'in stadi terz senza in titel da dimora valaivel d'in stadi da Schengen ch'è obligà da visum, ston dumandar tar la represchentanza a l'ester svizra ch'è cumpetenta per ses domicil in visum.

Ulteriuras infurmaziuns survegnis Vus dal Ressort d'entrada, numer da telefon: 081 257 25 25.

Ulteriuras infurmaziuns