Tut tenor la naziunalitad resultan pretensiuns e temps da spetga eventuals en connex cun accordar ina permissiun da domicil. Quels resultan da las cunvegnas da domicil e dals contracts da domicil concludids tranter la Svizra ed ils singuls stadis.

Avant da dar la permissiun da dimora sto uschia il temp da spetga prescrit legalmain esser accumplì. Quel munta a tschintg u diesch onns.

La concessiun da la permissiun da dimora a burgais da l'Andorra, da l'Austria, da la Belgia, dal Canada, dal Danemarc, da la Finlanda, da la Frantscha, da la Gronda Britannia, da la Grezia, da l'Irlanda, da l'Islanda, da l'Italia, dal Luxemburg, dal Monaco, da la Norvegia, dal Pajais Bas, dal Portugal, dal Principadi da Liechtenstein, da la Republica Federala Tudestga, dal Son Marin, da la Spagna, dal stadi da la Citad dal Vatican, ils Stadis Unids da l'America e da la Svezia resulta per regla suenter ina dimora nuninterrutta e regulara da tschintg onns.

Sche la dunna ubain l'um dal petent è dentant burgais/a svizzer/svizra u dispona da la permissiun da dimora sa reducescha il temp da spetga da diesch a tschintg onns, premess che la lètg vegn vivida tar l'inoltraziun da dumonda gia dapi almain tschintg onns en Svizra.

Tut ils auters burgais (era ils fugitivs renconuschids) pon pir dumandar suenter ina dimora endretga da diesch onns la permissiun da domicil.

Per examinar ina dumonda per accordar ina permissiun da domicil ston ins inoltrar:

• Il formular da dumonda A1 per burgais d'UE/AECL resp. B1 per persunas da stadis terzs
• Ina copia dal pass valaivel u da la carta d'identitad valaivla
• Ina conferma actuala dal patrun cun l'indicaziun dal pensum da lavur e sch'i sa tracti d'in contract da lavur limità resp. illimità sco era nunvisà
• In extract dal register da scussiun
• Ina conferma da l'uffizi dal servetsch social cumpetent davart ina retratga da prestaziuns da provediment pussaivla actuala u precedenta.
• Ina cumprova d'ina lingua uffiziala emprendida (tudestg, talian u rumantsch) tras in certificat linguistic renconuschì uffizialmain (p.ex. TELC, DELF, Goethe fide u CELI) ubain attestats da scola e diploms
• In extract dal register penal svizzer (betg pli vegl ch'in mais)
• In questiunari emplenì e suttascrit

Cun agid dals documents precedents vegni controllà, sche tut las premissas per la concessiun da la permissiun da dimora èn accumplidas (buna integraziun, activitad da gudogn, enconuschientschas da la lingua, nagins chastis precedents ubain ina dependenza da provediment etc.). Sche necessari pon per la controlla da la dumonda vegnir dumandads ulteriurs documents.

Il formular da dumonda ston ins inoltrar ultra dals documents precedents tras la controlla d'abitants cumpetenta da la vischnanca da domicil en il chantun Grischun dal petent.

Ulteriuras infurmaziuns survegnis Vus dal Ressort da dimora, numer da telefon: 081 257 25 28.

formular da dumonda A1

formular da dumonda B1

Link al fegl d'infurmaziun

Link al questiunari

Empustaziun dal register penal: online www.strafregister.admin.ch u tar divers uffizis postals 

Infurmaziuns concernent ils certificats linguistics: www.fide-info.de ubain il
Fpost d'integraziun: www.gr.ch/DE/themen/Integration/Pdf/anbieter_offizielle_Sprachnachweise.pdf