La Cussegliaziun da geniturs è ina purschida che sustegna las famiglias ed è l'emprim post da consultaziun per dumondas pertutgant la promoziun tempriva, da la naschientscha fin a la vegliadetgna da tschintg onns. La finamira da la promoziun tempriva è quella da procurar che uffants hajan bunas cundiziuns da crescher si.
Il servetsch da la Cussegliaziun da geniturs vegn integrà en la purschida da la promoziun da la sanadad e prevenziun da las regiuns e garantì tras ils centers dal provediment da la sanadad respectivs.
La Cussegliaziun da geniturs dal Grischun è gratuita e confidenziala.