Material / transports

IEn il servetsch material e transport vegnan acquistads equipaments, unifurmas e mobigliar specifics per la polizia. Ultra da quai organisescha quest servetsch tut ils transports d'arrest entaifer ed ordaifer il chantun ed assista las persunas arrestadas en las cellas dal commando da la polizia.

Plinavant ans occupain nus da l'elavuraziun e da la distribuziun effizienta da la posta per garantir ina communicaziun interna ed externa senza incaps. Noss servetschs duain garantir ina recepziun professiunala ed in'elavuraziun fidada da la posta per sustegnair il manaschi quotidian.

Vehichels

Ils vehichels da servetsch da la Polizia chantunala vegnan equipads e mantegnids en l'atgna garascha da la polizia a Cuira. Las installaziuns multifaras e cumplexas d'equipaments specifics per la polizia e d'indrizs spezials dovran enconuschientschas tecnicas tut spezialas da las collavuraturas e dals collavuraturs dal servetsch da vehichels.

Ils ultims onns è il chantun s'engaschà activamain per persistenza ed ha realisà differentas mesiras per cuntanscher che l'administraziun chantunala spargnia dapli resursas. Latiers tutga la reducziun cuntinuanta – iniziada l'onn 2018 – dal consum da carburants e da las emissiuns da la flotta chantunala da vehichels. En sia strategia d'acquisiziun da vehichels persequitescha la Polizia chantunala ina via pli ecologica che promova la midada a l'electromobilitad u ad autras energias alternativas.