La ICT è responsabla per il manaschi 24/7 da las plazzas da lavur per computers, da telefonins, da la centrala d'alarm, da las localitads da direcziun, dals indrizs da survegliar cun video e d'ulteriura tecnica da polizia. Ella coordinescha ils differents servetschs d'informatica sur l'entir ciclus da vita e collavura stretgamain cun l'Uffizi d'informatica e cun la TIP svizra. Cun renovar cuntinuadamain las applicaziuns ed ils sistems garantescha ella, che la tecnica applitgada saja adina sin il stadi il pli nov e vegnia sviluppada vinavant. En il sectur da la basa dad ICT collavura ella stretgamain cun l'Uffizi d'informatica e retira servetschs da standard sco M365, hardware per il server, clienthardware ed apparats periferics da quel.