La Polizia criminala scuvra delicts, eruescha las delinquentas ed ils delinquents e surdat quels a la giustia penala. Uschè svelt e simpel sco en il crimi na va quai dentant betg. Per sclerir delicts dovri adina retschertgas perseverantas, scleriments fundads e lavurs da detagl da lunga durada. Nus investigain tant en il spazi analog sco er virtual e collavurain stretgamain cun autoritads partenarias (inter-)naziunalas.
Tar la Polizia chantunala dal Grischun lavuran passa 100 criminalistas e criminalists da differents secturs spezials vi da questa incumbensa pretensiusa. Cun dar tips prezius presta er la populaziun savens ina contribuziun impurtanta per sclerir delicts. La lavur tar la Polizia criminala è fitg pretensiusa. Per sclerir delicts da mazzament, commerzi cun drogas, commerzi cun umans, delicts sexuals, enguladitschs cun infracziun, delicts economics e.u.v. è la lavur da team indispensabla.
Barbara Hubschmid, Scheffa Polizia criminala
Vegni a savair qua dapli davart la spezialisaziun da nossas collavuraturas e noss collavuraturs en ils singuls secturs tematics:
- Servetschs spezials
- Servetsch da cybercriminalitad
- Investigaziun
- Servetsch chantunal d'infurmaziun
- Tecnica criminala