Introducziun da l'obligaziun d'annunziar e da nettegiar bartgas en il chantun Grischun per il 1. d'avrigl 2025
Pervia da la derasaziun da las conchiglias quagga en ils lais svizzers reagescha il chantun Grischun sin la periclitaziun creschenta tras organissems exotics, invasivs (neobiota) en las auas. Las bartgas da temp liber èn vegnidas eruidas sco la raschun principala per la derasaziun da spezias aquaticas, exoticas. Perquai introducescha il chantun Grischun per il 1. d'avrigl 2025 in'obligaziun d'annunziar e da nettegiar bartgas (curt: OANB).
Tut las bartgas cun obligaziun d'immatriculaziun (bartgas cun numer) dovran lura ina permissiun per metter la bartga en l'aua, sch'ellas duain vegnir messas resp. sa chattan gia en in'aua dal Grischun. Mintga futura midada d'ina aua en in'autra sto vegnir annunziada sin ina plattafurma d'annunzia digitala. Avant che la bartga dastga vegnir messa en in'autra aua, sto ella vegnir nettegiada professiunalmain tras in post da nettegiament autorisà.
Ulteriuras infurmaziuns sut: www.anu.gr.ch/oanb