La liquidaziun d'in manaschi u d'ina tegnida d'animals sto vegnir annunziada al UAG cun il formular Betriebsaufgabe. Inditgai per plaschair, tgi che surpiglia las surfatschas, sche e fin cura che Vus tegnais vinavant ils animals, e disdi la cumprova da prestaziun ecologica (CPE). Senza questa disditga han lieu vinavant controllas che Vus stuais alura pajar.
Sche Vus na liquidais betg il manaschi, mabain al surdais ad ina successura u ad in successur, empleni per plaschair il formular Wechsel des Betriebsleiters/der Betriebsleiterin.
Suenter il pensiunament u suenter la liquidaziun dal manaschi tegn jau anc intgins animals (per exempel giaglinom). Tge stoss jau annunziar en quest cas?
Empleni il formular Betriebsaufgabe ed inditgai, quanta surfatscha e/u tge spezias d'animals che Vus vulais anc tegnair.
Sto l'enquista da las datas da structura vegnir fatga, er suenter che la liquidaziun dal manaschi è annunziada?
Sche Vus liquidais cumplettamain il manaschi, na stuais Vus betg pli far in'enquista. Sche Vus cultivais dentant vinavant tschertas surfatschas u sche Vus tegnais animals, alura stuais Vus vinavant registrar las datas. Tut las tegnidas d'animals registradas resp. tut las cultivaturas ed ils cultivaturs da surfatschas vegnan infurmads dal UAG per e-mail davart il proceder exact da questa enquista.
Vegn mes manaschi er anc controllà suenter mes pensiunament u suenter la liquidaziun dal manaschi, sche jau dovrel la cumprova da prestaziun ecologica (CPE) en connex cun la vendita da mes animals, er sche jau na survegn nagins pajaments directs pli?
Gea, las controllas vegnan fatgas vinavant e Vus las stuais er pajar.