Annunzia CPE e programs da pajaments directs (PD)
Il cumenzament da settember pon ins far la nova annunzia per la cumprova da prestaziun ecologica (CPE) sco er per las contribuziuns per sistems da producziun e per l'utilisaziun effizienta da las resursas per l'onn suandant. Il UAG annunzia quests termins mintgamai a temp e sur differents chanals d'infurmaziun (Pur grischun, e-mail e pagina d'internet dal UAG).
Per l'onn proxim n'hai jau naginas midadas e na vi annunziar nagins programs novs. Tge stoss jau far tar questa enquista da l'atun?
Sch'i na dat naginas midadas, vegnan ils programs annunziads surpigliads automaticamain per l'onn proxim.
Co annunziel jau novs programs ordaifer l'interval da l'enquista?
Da princip ston ils programs novs vegnir annunziads en il rom da l'enquista regulara da l'atun. En cas motivads (p.ex. sche la mainagestiun u il mainagestiun mida) po l'annunzia vegnir inoltrada cun agid dal formular ordaifer l'interval da l'enquista. Sche las annunzias vegnan fatgas posteriuramain, vegnan deducids 200 francs, u ch'ellas ston – sut circumstanzas – vegnir spustadas sin l'onn proxim.