La confederaziun po conceder ad organisaziuns la permissiun da porscher servetschs en connex cun la reuniun d'uffants adoptivs e da geniturs adoptivs futurs. Ils posts d'intermediaziun pon gidar ils geniturs adoptivs futurs a cumpilar ils documents necessaris, ad obtegnair ina procedura speditiva ed a dar adatg che l'interess surordinà da l'uffant vegnia observà. Ellas n'han dentant naginas cumpetenzas da decisiun u d'attribuziun. Sin la pagina d'internet da l'uffizi federal da giustia chattais Vus las organisaziuns d'intermediaziun accreditadas.

Intgins stadis d'origin premettan la collavuraziun cun in'organisaziun d'intermediaziun. Las infurmaziuns davart ils singuls stadis pon vegnir consultadas sin la pagina d'internet da l'uffizi federal da giustia.