Ils uffants che na pon betg crescher si en l'atgna famiglia, dovran in ambient che als dat segirezza e che als permetta relaziuns stabilas. La finamira è quella da chattar per mintga uffant e per tut ils geniturs adoptivs futurs la soluziun la meglra pussaivla.

L'uffizi dal servetsch social è l'autoritad centrala chantunala per adopziuns en il chantun Grischun. In'adopziun stabilescha ina relaziun tranter ils geniturs ed in uffant senza resguardar la derivanza genetica. In'adopziun tenor il dretg svizzer u internaziunal premetta ina relaziun da tgira d'almain 1 onn. La relaziun da tgira dovra ina permissiun. Per incumbensa da l'autoritad centrala chantunala per l'adopziun fa il post spezialisà per famiglias da tgira ed adopziuns discurs da scleriment cun ils geniturs adoptivs futurs e fa in rapport social. L'autoritad centrala chantunala per l'adopziun examinescha la qualificaziun dals geniturs adoptivs che candideschan e conceda la permissiun per recepir in uffant da tgira. Per il conclus d'adopziun è cumpetenta l'autoritad per la protecziun d'uffants e da creschids (APUC).