Ils sectur "Basas" sa fatschenta cun la perscrutaziun, cun l'elavuraziun e cun l'intermediaziun da la savida davart la substanza architectonica istorica dal Grischun. Pir là, nua che la savida davart l'impurtanza da la substanza architectonica istorica è disponibla, pon ins er svegliar la chapientscha per tgirar tala ed il plaschair da sia singularitad.

Nossas collavuraturas e noss collavuraturs scientifics na s'occupan betg mo da la perscrutaziun e da l'elavuraziun da l'istorgia d'edifizis singuls, da gruppas d'edifizis e da maletgs da lieus degns da vegnir protegids, mabain sa deditgeschan er a temas concepziunals, uschia per exempel en il rom da mussavias ch'èn daventads necessaris sin fundament da novas legislaziuns u en il rom da la perscrutaziun da basa davart singulas tipologias architectonicas.