La tgira da monuments dal Grischun sa preschenta
Alvra, chaplutta da sontg Antoni al sid d'Alvagni. Fotografia TMG 2017
Monuments architectonics scuntrain nus mintga di. Els caracteriseschan nossas citads, noss vitgs e nossas cuntradas. Els fan endament temps passads, sveglian emoziuns e contribueschan a la diversitad ed a la singularitad da noss spazi da viver. La tgira da monuments ha l'incumbensa da s'engaschar per il mantegniment da quest bain cultural, da perscrutar sia impurtanza immanenta e d'intermediar questa savida a la populaziun.
"Denkmalpflege erhält mehr als das Wissen von den Denkmälern, sie erhält die Denkmäler selbst"
Georg Mörsch, 1984: Die Wirklichkeit der Denkmäler
(Trad. TMG: "La tgira da monuments mantegna dapli che la savida davart ils monuments, ella mantegna ils monuments sezs")