Da princip è la politica exteriura chaussa da la confederaziun. Tuttina sto la confederaziun – per ademplir las relaziuns cun l'exteriur – prender resguard da las cumpetenzas dals chantuns e defender ils interess da quels. Ils chantuns pon recurrer a differentas pussaivladads da cooperar:

• Obligaziun d'infurmaziun da la confederaziun: La confederaziun è obligada d'infurmar ils chantuns a temp ed en moda cumplessiva.
• Dretg da prender posiziun directamain: La confederaziun dumonda las posiziuns dals chantuns ed ils chantuns pon sa participar a la preparaziun da decisiuns da la politica exteriura, sche lur cumpetenza è tangada.
• Consultaziun: Ils chantuns han il dretg da pronunziar ordavant lur posiziun en ina procedura da consultaziun en cas da contracts internaziunals impurtants.
• Cooperaziun a tractativas internaziunalas: En moda adattada pon ils chantuns cooperar a las tractativas.