Ston las glistas d'ina partida u d'ina gruppaziun avair il medem num en tut ils circuls electorals?

Gea. Per che las glistas da differents circuls electorals furmian ina gruppa da glistas, ston las glistas avair la medema designaziun, e las represchentanzas da las glistas ston inoltrar fin il pli tard la 11avla mesemna avant il di d'elecziun ina decleraziun correspundenta en scrit a la Chanzlia chantunala (art. 16 al. 1 e 2 LECG). Las designaziuns da las gruppas da glistas resp. da las glistas vegnan inditgadas sin ils cedels electorals da tut ils circuls electorals en tut las trais linguas uffizialas. Sch'ina glista è vegnida inoltrada mo en in circul electoral, vala questa glista medemamain sco gruppa da glistas (art. 16 al. 3 LECG).

Vegn duvrada sin ils cedels electorals la designaziun cumpletta u la designaziun curta d'ina gruppa da glistas?

Sin ils cedels electorals vegn duvrada la designaziun cumpletta d'ina gruppa da glistas. La designaziun curta cumpara sin auters documents u en autras publicaziuns che han memia pauc spazi per la designaziun cumpletta da la gruppa da glistas.