Proposta electorala: represchentantas e represchentants
Tge funcziun han las represchentantas ed ils represchentants da la proposta electorala tar las elecziuns dal Cussegl grond?
En cas che la proposta electorala ha mancanzas, vegn fixà immediatamain in curt termin per la represchentanza per eliminar questas mancanzas (art. 14 al. 2 LECG). La represchentanza ha il dretg e l'obligaziun da far – en num da las sutsegnadras e dals sutsegnaders ed en moda giuridicamain lianta – las decleraziuns necessarias per eliminar differenzas (art. 11 al. 3 OECG).
Po ina persuna represchentar pliras propostas electoralas?
Gea. Ina persuna po surpigliar la represchentanza da pliras propostas electoralas (art. 12 al. 2 OECG). Ina persuna na dastga dentant betg suttascriver dapli ch'ina proposta electorala (art. 10 al. 2 LECG).
Pon er candidatas e candidats represchentar la proposta electorala?
Gea. Plinavant pon er las persunas che presidieschan ina partida u ina gruppaziun u che mainan las fatschentas d'ina tala represchentar la proposta electorala (art. 12 al. 1 OECG).