Jau mid bainbaud mes domicil. Nua poss jau annunziar mia midada?

La midada da domicil pudais Vus liquidar sin via digitala en il portal sur il servetsch eMidada. Per pudair utilisar quest servetsch, duvrais Vus in eConto.

Dapli infurmaziuns davart la eMidada chattais Vus sin nossa pagina d'internet.

Co utilisesch jau il servetsch per prolungar il termin per inoltrar la decleraziun da taglia?

Cun quest servetsch pudais Vus dumandar da prolungar il termin per inoltrar la decleraziun da la taglia sin las entradas e sin la facultad. Vus pudais duvrar quest formular er senza in eConto. In eConto ha dentant l'avantatg, che las persunalias che Vus avais endatà, vegnan surpigliadas automaticamain.

Cun il formular pudais Vus actualmain mo dumandar da prolungar il termin per inoltrar la decleraziun da la taglia sin las entradas e sin la facultad. Dumondas da prolungar il termin per inoltrar decleraziuns d'autras taglias, pudais Vus per entant inoltrar sco fin ussa sur la pagina d'internet da l'administraziun da taglia.