Strategia da forza idraulica e return dals implants
Strategia da forza idraulica
Cun la realisaziun da las finamiras da la politica d'energia da la Confederaziun, sco er cun l'augment dal consum d'electricitad spetgà, vegn l'impurtanza da la forza idraulica grischuna a s'augmentar en l'avegnir. Il basegn d'electricitad ord energias regenerablas vegn a crescher pervia da la decarbonisaziun planisada (remplazzament d'energia fossila tras electricitad). La forza idraulica dal Grischun producescha mintga onn var 8000 GWh electricitad e presta uschia ina contribuziun impurtanta per il provediment d'electricitad da la Svizra. Dal 2035 fin il 2070 scadan las concessiuns da var 70 pertschient da la producziun da forza idraulica en il Grischun. Uschia resulta la pussaivladad strategica dal return dals implants.
Cun la Strategia da forza idraulica dal chantun Grischun 2022–2050 han la Regenza ed il Cussegl grond definì la direcziun per l'utilisaziun futura da la forza idraulica indigena. La Strategia da forza idraulica ha la finamira da mantegnair la segirezza dal provediment en il chantun, d'augmentar il dretg da cundecisiun en connex cun il tractament da la resursa indigena aua, da cuntanscher las finamiras da la politica d'energia e dal clima sco er da mantegnair plazzas da lavur.
Botschaft Wasserkraftstrategie (nur in Deutsch)
Strategia da forza idraulica dal chantun Grischun
Returns actuals d'implants ch'èn en lavur
Davart ils suandants implants vegnan actualmain fatgs scleriments tranter las vischnancas concessiunaras ed il chantun Grischun en vista a la fin da la concessiun vegninta ed il nov concessiunament.
Implant
|
proprietad
|
fin da la concessiun
|
Pintrun |
AHS |
2024 |
Sassello |
CAL |
2028 |
Tinizong |
EWZ |
2035 |
Bregaglia |
EWZ |
2039 |
Zervreila |
OEZ |
2037 |
Lostallo |
ELIN |
2038 |