L'aua è ferma. Sch'ella vegn deviada sur ina differenza d'autezza, po sia energia potenziala vegnir transfurmada en forza electrica. Sur in conduct da pressiun metta l'aua en moviment ina roda da turbina ch'è colliada cun in generatur. Il moviment da rotaziun generescha electricitad en il spol magnetic. Sur la rait da distribuziun cuntanscha l'electricitad ils consuments finals.



Dals 2300 km potenzials d'auas currentas per l'utilisaziun da la forza idraulica en il Grischun vegnan utilisads var 800 km per producir electricitad. Quest terz dals trajects d'auas utilisads exaurescha gia var dus terzs da l'entir potenzial da producziun. Tras l'utilisaziun subescha il stadi natiral dals trajects d'auas in donn da l'ecologia da las auas. Las societads da producziun fan tut il pussaivel per mantegnair la fauna e la flora per lung da las auas dal Grischun.