Tenor l'art. 49 da la Lescha federala davart l'utilisaziun da las forzas d'aua (Lescha davart il dretg da las auas, LDA; CS 721.80) pon vegnir incassads tschains d'aua per l'utilisaziun da la forza idraulica. Fin la fin da l'onn 2030 na dastga il tschains d'aua betg surpassar 110 francs per kilowatt prestaziun brutta per onn.

En il Grischun sa drizza la calculaziun dals tschains d'aua tenor l'art. 33 da la Lescha davart il dretg da las auas dal chantun Grischun (LDAG; DG 810.100). La mesadad dal tschains d'aua maximal incassescha però il chantun en furma d'ina taglia sin ovras idraulicas.

La Cumissiun da taglia sin ovras idraulicas taxescha las indemnisaziuns debitadas sin basa da las producziuns annualas annunziadas e controlladas da las ovras electricas che ston pajar tschains d'aua. Per in onn da producziun en media po il chantun Grischun calcular cun taxas da var 60 miu. francs a favur da las finanzas publicas.