Il monitoring actual chattais vus qua: www.luf.gr.ch > Animals da rapina gronds > Fegls d'infurmaziun, publicaziuns, projects > Publicaziuns

Focus sin la prelevaziun d' entirs trieps da lufs

L' uffici da chatscha e pes-cha ha sistì las regulaziuns d' animals giuvens da trieps che na duain betg vegnir allontanads cumplettamain. La regulaziun da lufs tras ils organs da surveglianza da chatscha ha lieu en emprima lingia la notg e cun agid da tecnica termica. Pervia da la grondezza dal corp dals animals giuvens e lur excursiuns singulas pli e pli grondas na pon ils animals betg pli vegnir sajettads en moda fidada tenor las prescripziuns da l'ordinaziun federala da chatscha - vul dir en situaziuns socialas e cun proteger ils animals vegls e vegls en il triep. Pertutgads da la sistida da la regulaziun èn exclusivamain quels trieps da lufs che n'han – tenor l'ordinaziun da chatscha – betg mussà in cumportament nungiavischà. I sa tracta qua da maximalmain 11 lufs giuvens dals trieps da Stagias, Calderas, Älpelti, Jatzhorn e Calanda. Terminada è la regulaziun d' animals giuvens tar ils trieps da lufs Moesola, Muchetta e Rügiul. Correspundentamain vegn il focus da la regulaziun da lufs tras ils organs da surveglianza da chatscha mess fin la fin da schaner sin prelevaziuns cumplettas dals trieps da lufs dal Vorab, dal Lenzerhorn e dal Fuorn.