Ils 20 da favrer 2025 ha la surveglianza chantunala da chatscha pudì documentar cun agid da cameras d'animals selvadis ina ludra cun dus animals giuvens en la Surselva. Las emprimas cumprovas segiras per la preschientscha da ludras en la regiun èn gia avant maun dapi il 2021. Gia la stad 2024 ha l'Uffizi da chatscha e pestga survegnì in'annunzia da persunas privatas, che ha fatg attent ad ina pussaivla reproducziun. I n'è dentant betg stà pussaivel da furnir ina cumprova en furma da fotografia u da video.

La fotografia da la ludra cun ils dus animals giuvens è ussa l'emprima cumprova d'ina reproducziun da ludras en la Surselva. Quai è uschia la sisavla reproducziun segira en il Grischun. Las tschintg reproducziuns da ludras da fin qua èn tuttas vegnidas cumprovadas en l'Engiadin'Ota.