La sanadad psichica dals uffants e dals giuvenils è gist uschè impurtanta sco lur sanadad corporala. En quest connex èsi central da sviluppar uschenumnadas cumpetenzas da vita (sco per exempel dumagnar stress, abilitads da schliar problems u empatia).

Uffants e giuvenils èn savens confruntads cun sfidas sco stress da scola, conflicts socials u midadas en l'ambient famigliar. Igl è impurtant d'identifitgar emprims indizis da grevezzas psichicas e da porscher sustegn. Ils geniturs e las persunas spezialisadas che stgaffeschan in clima da discussiun avert, giogan ina rolla impurtanta en quest connex.