In nutriment equilibrà e saun è impurtant per il svilup corporal dals uffants e dals giuvenils. El promova er la concentraziun e la capacitad da prestaziun en scola. Mangiar ha però er in aspect cuminaivel: Mangiar ensemen cun autras persunas insatge gustus fa plaschair. En emprima lingia na duain ils uffants e giuvenils perquai betg emprender da classifitgar mangiativas tenor las categorias «saun» u «betg saun». En il center stat il nutriment equilibrà en general.