Per occurrenzas da sport pon vegnir pajadas contribuziuns or dal fond da sport. Occurrenzas che appartegnan al manaschi da campiunadi general èn exclusas da quai. La dumonda da contribuziun sto vegnir inoltrada almain 4 emnas avant che l'occurrenza ha lieu.

Occurrenzas da sport turisticas grondas pon vegnir sustegnidas supplementarmain cun contribuziuns da la promoziun da l'economia. Dapli infurmaziuns survegnis Vus tar l'Uffizi per economia e turissem.

Avant che Vus emplenis il formular da dumonda online, As supplitgain nus da preparar ils suandants documents:

• preventiv cun tut las entradas ed expensas (en furma electronica)
• glista da rangaziun u glista da participantas e participants da l'ultima occurrenza (en furma electronica) u in weblink a la glista da rangaziun da l'occurrenza da l'onn passà; sche l'occurrenza vegn organisada per l'emprima giada, sto quai vegnir remartgà en il formular
• publicaziun u carnet da program sche avant maun (en furma electronica)
• indicaziun dal conto, sco ch'el è registrà tar la banca u tar la Posta

Plinavant As rendain nus attent che las Directivas concernent contribuziuns ad occurrenzas da sport ston vegnir observadas en mintga cas. Tenor l'art. 5 ston las dumondas vegnir inoltradas almain 4 emnas avant che l'occurrenza cumenza.

Link al formular online