Per cumprar material ed urdains da sport po vegnir concedida ina contribuziun da 40 % dals custs imputabels or dal fond da sport. Il material da sport sto esser en possess da l'uniun. Exclus da quai è l'equipament persunal d'ina sportista u d'in sportist. Las acquisiziuns da material ston avair ina valur d' acquisiziun minimala da fr. 500.--. L'acquisiziun respectivamain l'empustaziun dastga vegnir fatga pir, suenter che la contribuziun è vegnida garantida.

Avant che Vus emplenis il formular da dumonda online, As supplitgain nus da preparar ils suandants documents:

• cumpilaziun dals custs cun offertas (en furma electronica)
• quint economic, bilantscha e rapport da revisiun dals ultims 2 onns (en furma electronica)
• indicaziun dal conto, sco ch'el è registrà tar la banca u tar la Posta

Plinavant As rendain nus attent che las Directivas concernent contribuziuns per material da sport e per urdains da sport ston vegnir observadas en mintga cas.

Tenor l'art. 5c dastgan il material ed ils urdains da sport vegnir cumprads pir suenter avair obtegnì la garanzia da contribuziun.

Link al formular online

Fegl d'infurmaziun davart l'acquist d'armas da sport