Dal zercladur 2017 fin il zercladur 2018 ha il chantun Grischun il presidi da la cuminanza da lavur da las regiuns alpinas (ARGE ALP). Uschia stat il Grischun per in onn a la testa da l'uniun da diesch stadis federativs, provinzas, regiuns e chantuns dals stadis Austria, Germania, Italia e Svizra.

En il center stat il tema da la forza idraulica en il territori alpin. La forza idraulica è la funtauna d'energia la pli impurtanta dal territori alpin e d'ina gronda impurtanza per l'economia publica da las regiuns da muntogna. En Svizra vegnan producids en media circa 60 pertschient da l'electricitad en ovras idraulicas. Circa in tschintgavel da quella deriva dal Grischun ed è per il chantun in bain d'export impurtant. Ultra da quai dat il sectur da la producziun d'energia cun forza idraulica lavur a passa 400 persunas en il Grischun. Sco funtauna d'energia natirala, regenerabla e per gronda part libra d'emissiuns presta ella ultra da quai ina contribuziun essenziala a la protecziun dal clima. Pervia da quai vegn il chantun Grischun a metter durant l'onn da presidi in cler accent sin l'utilisaziun da la forza idraulica en il territori alpin.

Commembers da la ARGE ALP