Infurmaziun Catastrofa Alarm Radio Organisaziun (ICARO) è in dispositiv d'urgenza che vegn manà da la Societad svizra da radio e televisiun (SSR). La SSR nizzegia ses instrument per derasar in-furmaziuns da las autoritads ed instrucziuns da cumportament en situaziuns particularas ed extraordinarias. Las centralas da polizia chantunalas han access direct al sistem ed èn colliadas supple-mentarmain cun emetturs da radio regiunals. Uschia èsi garantì ch'ina gronda part da la populaziun po vegnir infurmada immedia-tamain e da tut temp en cas da privel.
Plinavant maina la Centrala naziunala d'alarm da la Confederaziun il sistem TOM (Transmission of Official Messages) per formular e per transmetter annunzias davart privels da la natira. Sin la basa da las infurmaziuns da differents posts spezialisads da la Confedera-ziun, entran ils rapports en il sistem TOM e vegnan transmess als emetturs da radio cumpetents en ils territoris pertutgads.