En cumparegliaziun cun ils privels chaschunads da la natira èn las ristgas dals privels en connex cun la tecnologia bler pli pitschnas, cun excepziun da la perdita dal provediment d'electricitad. Da tut las periclitaziuns tecnologicas observadas è la perdita d'electricitad (blackout) la periclitaziun cun la ristga la pli gronda per il chantun Grischun. In tal blackout, cun il qual i sto en cumparegliaziun ve-gnir quintà relativamain savens, restrenscha massivamain la vita publica ed i resultan spezialmain gronds donns materials sco er custs consecutivs. Il scenari da referenza "considerabel" vegn spetgà en media ina giada en pli pauc che 30 onns, ina perdita da l'electricitad ch'è durabla pli ditg en in territori pli grond ina giada en 100 fin 300 onns.

Uschiglio vegnan las frequenzas da las periclitaziuns tecnicologi-cas classifitgadas en general sco fitg raras, quai er ord il motiv che la libertad d'agir per mesiras che domineschan las ristgas è gronda cumpareglià cun las mesiras da periclitaziun che derivan da la nati-ra e da la societad, e ch'igl èn vegnidas realisadas cun success bleras mesiras, per part en il rom da l'ordinaziun davart cas da di-sturbis. Periclitaziuns tecnologicas – cun excepziun da la periclita-ziun dal provediment d'electricitad – sa chattan perquai en la me-sadad sut da la matrix da ristga.