Refugis

Ils refugis èn vegnids concepids per la protecziun da la populaziun en cas d'in conflict armà, spezialmain cun armas da destrucziun en massa. Els permettan ina protecziun da basa cunter in vast spec-trum d'effects d'armas directs ed indirects. Ultra da quai pon ils re-fugis vegnir duvrads sco refugis d'urgenza er en cas da catastrofas e situaziuns d'urgenza, p.ex. en cas d'in augment da la radioactivi-tad, d'in terratrembel u d'in privel acut da lavinas. La planisaziun d'attribuziun da rempars (ZUPLA) serva sco basa per ina retratga da locals da protecziun decretada preventivamain. Il princip sa cloma: Tgi che ha in local da protecziun en la chasa d'abitar vegn attribuì a quest local. Per persunas che n'han nagin local da protecziun en la chasa d'abitar u che quel è suroccupà vegn attribuì in local da pro-tecziun en la vischinanza dal lieu da domicil.

Implants da protecziun

Ils implants da protecziun èn destinads a las organisaziuns da la protecziun da la populaziun e cumpiglian posts da commando, sta-biliments da preparaziun e posts sanitars protegids. Cun ils im-plants da protecziun pon vegnir garantidas primarmain l'activitad directiva e la prontezza dals meds da la protecziun da la popula-ziun. Ils posts da commando servan a la direcziun ed al sustegn da la direcziun. Ils stabiliments da preparaziun stattan a disposiziun al persunal ed al material da las furmaziuns da la protecziun da la populaziun.

Ulteriuras infurmaziuns davart las ovras da protecziun chattais Vus qua.