Perquai che periclitaziuns da la natira èn adina puspè frequentas en il chantun Grischun, sa chattan questas mesiras puspè en la part sura da la matrix da ristga. Il scenari "considerabel" da privel da malauras ed il scenari "grond" da la periclitaziun da terratrembels han la ristga la segund gronda suenter la pandemia. En cas d'in ferm terratrembel esi da far quint cun blers morts e ferids grevs. Ina sfida fiss er il grond dumber da persunas che dovran sustegn e da persunas che duessan vegnir evacuadas. Ils donns materials e cu-sts consecutivs che resulteschan pervia d'in ferm terratrembel fis-san immens. En cumparegliaziun cun la dimensiun dals donns d'in ferm terratrembel è la dimensiun dals scenaris da malaura fin a trenta giadas pli pitschna. L'indicatur decisiv per ils donns en cas da malaura è l'indicatur "donns materials e custs consecutivs". Per-quai ch'i sto vegnir fatg quint cun malauras pli savens che cun ferms terratrembels, è la ristga da las duas periclitaziuns cumpare-gliabla malgrà la differenza tar la dimensiun dal donn.