Colliaziun da tren Engiadina Bassa – Vnuost Sura

Ils resultats dal modul D dal poject INTERREG III A «Traffic public en il triangul retic» èn avant maun dapi l'onn 2006. Quest modul sa fatschenta cun ina nova colliaziun da tren tranter l'Engiadina Bassa ed il Vnuost Sura. Tschintg variantas da lingias èn vegnidas examinadas:

• Varianta 1: S-chanf – Livigno – Valchava – Müstair – Mals
• Varianta 2: Zernez – Punt la Drossa – Valchava – Müstair – Mals
• Varianta 3: A: Scuol – Mals (direct)
• Varianta 3: Scuol – Valchava – Müstair – Mals
• Varianta 4: Scuol – Danuder – Pass da Reschen – Mals
  

Ils accents da l'examinaziun e da la lavur èn stads: Examinaziuns geologicas groppas, trassés generals, construcziun da tunnels, aspects da la planisaziun dal territori, aspects ecologics, statisticas da traffic (stadi actual) e stimaziuns da la dumonda, pussaivlas furmas da manaschi, stimaziuns dals custs e cumparegliaziuns da las variantas. Las variantas èn en in territori cun las pli differentas particularitads areguard la tecnica da viafier: viafier a binaris stretgs ed electrica (Viafier retica), viafier a binaris normals e cun diesel (Viafier dal Vnuost). Las viafiers da colliaziun a binaris normals funcziunan cun forza electrica, han dentant differents sistems electrics.

En il studi n'han ins betg prendì ina decisiun per ina varianta. Ils avantatgs e dischavantatgs da las variantas vegnan valitads differentamain, tut tenor il punct da vista. Entant che la colliaziun a la viafier a binaris normals dal Vnuost, ch'è vegnida averta da nov, en la regiun Mals/Glurns para dad esser clera, n'èsi anc betg definì, nua ch'il portal nord duess vegnir. Qua stuess la discussiun vegnir fatga a maun da las variantas.

Bahnverbindung Unterengadin-Obervinschgau Hauptbericht (mo per tudestg)

Bahnverbindung Unterengadin-Obervinschgau Kurzfassung (mo per tudestg)