Studi preliminar

Studi preliminar
La finamira da quest studi preliminar da l'onn 2008 era quella da preschentar las pretensiuns, las pussaivladads ed ils cunfins d'ina meglra colliaziun dal traffic public tranter l'Engiadin'Ota e la Lumbardia.

Il rapport cuntegna in'evaluaziun da las pli impurtantas datas da structura da la regiun transcunfinala examinada sco er da las datas davart la purschida actuala sin binaris e sin via (traffic individual motorisà e traffic public).

En il rom da la lavur han ins pudì identifitgar tschintg puncts debels principals da las colliaziuns dal traffic public tranter l'Engiadin'Ota e la Lumbardia. Il studi descriva 12 mesiras per mitigiar ils puncts debels.

Il studi preliminar ha dà l'occasiun per entrar en contact cun ils partenaris talians (autoritads ed interpresas da transport). L'intenziun dal chantun Grischun e dal circul Engiadin'Ota da meglierar las colliaziuns dal traffic public cun la Lumbardia han sveglià l'interess. Il basegn da coordinaziun è vegnì renconuschì da tuttas duas varts. La collavuraziun sto vegnir persequitada vinavant en quest sectur ed ils resultats da quest studi preliminar duain vegnir approfundads vinavant cuminaivlamain per pudair sviluppar ina purschida cumpetitiva dal traffic public tranter l'Engiadin'Ota e la Lumbardia cun ses potenzial da dumonda remartgabel.

Vorstudie ÖV-Anbindung Oberengadin - Lombardei (mo per tudestg)