Ils chantuns Grischun, Turgovia e Schaffusa han laschà examinar l'onn 2008 in eventual product da viafier svelt tranter Schaffusa / Singen e Cuira. I sa tracta qua d'in project da blers onns sut il titel «Spanga da la Svizra Orientala». Il studi respectiv tracta la colliaziun Schaffusa / Singen – Constanza – Cuira sut il titel da lavur BODEX (Bodensee-Express), quai per evitar en spezial scumbigls cun il tren da colliaziun HGV planisà Constanza – Son Gagl (Spangenzug) e cun l'express da la Val dal Rain (REX).

Cun il studi avant maun ston vegnir evaluads d'ina vart ils potenzials dal martgà per il BODEX. Da l'autra vart vegnan sviluppadas propostas per in concept davart il product BODEX. Quellas duain vegnir integradas en la planisaziun da la purschida Ost (AP Ost).

BODEX Bahnverbindung (mo per tudestg)