Studi da l'onn 2001

Situaziun da partenza

Tar ils gronds projects da viafier da la Confederaziun ch'èn actualmain en construcziun, sco Viafier 2000 1. etappa e NEAT, èn ils meds finanzials vegnids investids principalmain en ils spazis economics gronds tranter Turitg e Berna sco er en la Svizra franzosa.

Finamira

Tar ils gronds projects da viafier futurs da la Confederaziun, sco Viafier 2000 2. etappa, NEAT e colliaziun a la rait d'auta sveltezza, duain ils sforzs ir en quella direcziun, ch'ina gronda part dals meds finanzials vegn dabun a la Svizra Orientala ed en spezial al chantun Grischun.

Meds

L'onn 2001 è vegnida fatga ina sintesa uschè cumplessiva sco pussaivel davart il traffic public da viafier entaifer il chantun Grischun e sin las lingias d'access impurtantas.

Proceder

Il suandant patratg fundamental ha accumpagnà quest studi: Engrondir la rait da viafier – sin basa da l'infrastructura existenta – e rinforzar tala cun novs trajects e cun trajects cumplementars. Qua tras duess resultar en il chantun Grischun ina rait da viafier uschè cumpletta sco pussaivel, ch'è colliada cun lingias d'apport effizientas ed attractivas.

Recumandaziuns

• Concepir da nov la purschida da las Viafers federalas / Viafier retica Turitg – Grischun
• Serrar la largia dal binari dubel a Mühlehorn – Tiefenwinkel
• Adattar la staziun da Landquart, 2. etappa (midar tren Viafers federalas/Viafier retica sin il medem perrun)
• Plazza aviatica Kloten – Part Sura Turitgaisa – Ziegelbrücke/Glaruna – Grischun cun nova lingia da colliaziun Rüti/ZH – Schmerikon/SG
• «Spanga» da la Svizra Orientala cun connex internaziunal (Schaffusa – Singen/Constanza – Rorschach – St. Margrethen – Cuira)

Dals futurs projects da viafier spetga il chantun Grischun in rinforzament dal Grischun sco plazza economica e turistica.

Zu(g)kunft Graubünden (mo per tudestg)