Suenter la svidada dal lai d'accumulaziun Burvagn a Cunter il settember vegnan ussa realisadas mesiras da construcziun per meglierar la protecziun dals peschs. Il lai d'accumulaziun è vegnì svidà en il rom da las permissiuns existentas ed en stretga coordinaziun cun ils uffizis cumpetents.

Pervia da la svidada poi dar pli savens ferms turblaments en la part sut dal flum. Quests turblaments èn in process accumpagnant natiral tar talas mesiras da construcziun e vegnan puspè a tschessar cun il temp. La svidada dal lai d'accumulaziun e las lavurs da construcziun successivas servan a las suandantas finamiras:

• Renovaziun dal rastè per la protecziun dals peschs: Il rastè existent per la protecziun dals peschs vegn remplazzà tras in indriz modern, quai per meglierar la protecziun da las creatiras aquaticas.

• Installaziun d'ina turbina da dotaziun: La nova turbina vegn ad augmentar l'effizienza da l'ovra electrica ed a mussar ina nova situaziun da l'aua restanta en la part sut dal flum.

Il lai d'accumulaziun Burvagn resta vid fin la primavaira 2025.