Sin dumonda po la permissiun da domicil vegnir mantegnida. Per regla vegn sin ina dumonda motivada accordà il mantegniment da la permissiun da domicil tranter 1 e 2 onns. In mantegniment da la permissiun da domicil per quatter onns po mo vegnir accordà tar motivs impurtant, sco p.ex. per absolver il servetsch militar en il pajais d'origin, in studi resp. ina scolaziun u in perfecziunament ubain in engaschi a l'exteriur per incumbensa d'in patrun svizzer.

La dumonda correspundenta ston ins inoltrar avant la sortida. Na reentra la persuna alura fin la scadenza dal mantegniment concedì betg en Svizra, alura scada la permissiun da domicil tenor lescha.

La dumonda per mantegnair la permissiun sto vegnir inoltrada cun il formular (DE) sur la controlla d'abitantas e d'abitants. Ils documents che ston vegnir inoltrads èn inditgads sin il formular da dumonda. 

I sto vegnir resguardà ch'i na po betg vegnì concedì ad uffants ch'èn obligads d'ir a scola in mantegniment da la permissiun da domicil.

Ulteriuras infurmaziuns survegnis Vus dal ressort da dimora, Numer da telefon: 081 257 25 28