La fin da l'onn 2024 ha Swiss Olympic deliberà l'emprim standard da branscha per il sport Svizzer. Quest standard definescha aspectativas fundamentalas envers las organisaziuns da sport en ils secturs etica e direcziun d'organisaziuns.
Las pretensiuns cuvran ils temas governance, uman ed ambient/fairness e cuntegnan prescripziuns liantas che ston vegnir ademplidas a partir dal 2026. L'introducziun da quest standard è in term impurtant en il project «Etica en il sport svizzer» e pretenda da las uniuns da s'occupar pli detagliadamain da lur organisaziun.
Instruments per quai èn:
- Standard da branscha per il sport Svizzer
- Scolaziun da Club Management da Swiss Olympic
Infurmaziuns specificas da l'associaziun per il svilup da las uniuns:
· Swiss Ski
· Federaziun Svizra da gimnastica
· Federaziun Svizra da ballape
· Swiss Tennis
· Swiss Unihockey
· Swiss Volley
Swiss Olympic Library – Documents per la gestiun d'uniuns
En la Swiss Olympic Library stattan a disposiziun gratuitamain models da concepts, glistas da controlla, agids da lavur per la gestiun da federaziuns u d'uniuns, models per directivas u reglaments per federaziuns ed uniuns e blers auters meds auxiliars per la gestiun da clubs e d'uniuns.
Standard da branscha per il sport Svizzer
Las organisaziuns da sport adempleschan incumbensas multifaras e preziusas, perquai profiteschan ellas da sustegn public e privat. Questas prestaziuns da sustegn èn però liadas ad aspectativas: aspectativas ad ina buna direcziun da l'organisaziun, a l'ir enturn in cun l'auter, spezialmain cun minorens, ed aspectativas a mesiras per la protecziun da l'ambient.
Il «Standard da branscha per il sport Svizzer» cumpiglia las aspectativas principalas envers las organisaziuns da sport. Per sustegnair las organisaziuns ha Swiss Olympic resumà las pretensiuns en ina glista da controlla adattada. En il fegl d'infurmaziun per las uniuns èn ils trais pass da lavur principals enumerads:
1. Controlla ed eventualas adattaziuns dals statuts (fin ils 01-01-2026)
2. Publicaziuns sin la pagina d'internet u metter a disposiziun infurmaziuns specificas en il sectur per las commembras ed ils commembers (il pli tard a partir dals 01-01-2026)
3. Incumbensa periodicas u currentas per la prevenziun (il pli tard a partir dals 01-01-2026)
Sco emprim pass recumandain nus a las uniuns da controllar ed eventualmain adattar lur statuts areguard ils puncts dumandads . Sche tschertas regulaziuns menziunadas mancan en ils statuts u reglaments, ston quellas vegnir integrads fin ils 01-01-2026. Las uniuns e las federaziuns pon s'orientar als statuts da model da lur federaziun naziunala u a las formulaziuns da model da Swiss Olympic.
Dapli davart il tema:
Curs «Club Management» da Swiss Olympic
Il curs «Club Management» intermediescha enconuschientschas praticas per funcziunarias e funcziunaris d'uniuns. Temas sco chattar commembras e commembers, administraziun, tschertga da sponsurs ed aspects giuridics vegnan tractads detagliadamain.
La scolaziun electronica vegn cumplettada cun 2 dis da preschientscha e prepara cun cleras finamiras per las incumbensas multifaras en las uniuns. Ella terminescha cun il certificat da manar glieud per suprastanzas d'uniuns.
Per rinforzar en moda persistenta las uniuns e federaziuns da sport grischunas, vegn stgaffì in impuls finanzial per las absolventas ed ils absolvents grischuns da la purschida da furmaziun cumplessiva «Club Management», sche
Infurmaziuns per il curs «Club Management» chatt'ins sut «Club Management» (swissolympic.ch).
Sustegn per absolventas ed absolvents grischuns dal curs «Club Management»
A mintga absolventa ed a mintga absolvent, ch'è activ per ina uniun u federaziun grischuna, vegnan restituids ils custs da scolaziun sco er ina pauschala da 400 francs per l'indemnisaziun da spesas. Il pajament a l'absolventa resp. a l'absolvent vegn fatg suenter la terminaziun reussida da la scolaziun e suenter l'inoltraziun da l'attest da scolaziun, resp. dal certificat da manar glieud, e da la quittanza da pajament da la taxa per la scolaziun.
Formular da dumonda / da rendaquint
DD / basas da pajament
Sport svizzer respectus - etica
Il sport svizzer è respectus sch'el resguarda la dignitad umana, sch'ina prestaziun gista e sportiva è en il center e sche l'ambient ed ils princips da good governance vegnan respectads en las organisaziuns da sport.
Tut las persunas participadas duessan examinar lur cumportament per evitar cuntravenziuns cunter l'etica. En il focus stat la prevenziun, per uschia minimar ils ristgs e per rinforzar las persunas e las organisaziuns en il sport.
Swiss Olympic e l'Uffizi federal da sport (UFSPO) han sviluppà il sistem «Sport svizzer respectus ». In sport etic e responsabel pretenda in engaschament activ e mesiras sin il plaun individual ed organisatoric.
Ulteriuras infurmaziuns:
Swiss Olympic - sistem «Sport svizzer respectus »