Ina permissiun da dimora curta è per esters/tras che abiteschan per regla per pli pauc che 364 dis en Svizra, pia cun in contract da lavur limità (activitad da gudogn).

Ils burgais d'UE/AECL han il dretg sin questa permissiun, premess ch'els possian preschentar in contract da lavur da pli da trais mais (90 dis) e ch'els possian cun il pensum da lavur sa referir effectivamain sin la cuminanza da lavurants tenor la cunvegna davart la libra circulaziun. La durada da valaivladad da la permissiun da dimora curta correspunda a quella dal contract da lavur. La permissiun da dimora curta po vegnir prolungada fin ad ina durada totala da 364 dis.

Relaziuns da lavur da sut trais mais en l'onn chalendar na dovran nagina permissiun, quellas ston ins reglar sur l'uschenumnada procedura d'annunzia.

Ins sto inoltrar:

• Il formular da dumonda A1 cun conferma da lavur dal patrun ubain il contract da lavur
• Ina copia da la carta d'identitad valaivla u dal pass valaivel

Il petent sto inoltrar il formular da dumonda ultra dals documents precedents tras la controlla d'abitants da la vischnanca da domicil.

Ulteriuras infurmaziuns survegnis Vus dal ressort d'entrada, numer da telefon: 081 257 25 25.

Link al fegl d'infurmaziun