Il dretg da dimora da burgais d'UE/AECL cun ina permissiun da dimora curta scada sis mais suenter avair terminà las relaziuns da lavur. Sch'i vegn pajà ora vinavant l'indemnisaziun da dischoccupaziun suenter ils sis mais, alura scada il dretg da dimora cun la fin da l'indemnisaziun resp. la privaziun dal dretg da schurnada. La retratga da prestaziuns da provediment po avair per consequenza la retratga da la permissiun malgrà il dretg sin l'indemnisaziun da dischoccupaziun.
Il dretg da dimora da burgais d'UE/AECL cun ina permissiun da dimora scada sis mais suenter avair terminà la relaziun da lavur, sche quel terminescha avant ils emprims dudesch mais suenter la dimora. Sch'i vegn pajà ora vinavant l'indemnisaziun da dischoccupaziun suenter ils sis mais, alura scada il dretg da dimora cun la fin da l'indemnisaziun resp. la privaziun dal dretg da schurnada. La retratga da prestaziuns da provediment po avair per consequenza la retratga da la permissiun malgrà il dretg sin l'indemnisaziun da dischoccupaziun.
Suenter avair terminà la relaziun da lavur suenter ils emprims dudesch mais da la dimora scada il dretg da dimora dals burgais d'UE/AECL cun ina permissiun da dimora da sis mais suenter avair terminà il pensum da lavur. Sch'i vegn pajà ora vinavant l'indemnisaziun da dischoccupaziun suenter ils sis mais, alura scada il dretg da dimora sis mais suenter la fin da l'indemnisaziun.
Ins sto inoltrar:
- Il formular da dumonda A1
- Ina copia da la carta d'identitad u dal pass
- La dispensaziun da l'obligaziun da discreziun
Il petent sto inoltrar il formular da dumonda ultra dals documents precedents tras la controlla d'abitants da la vischnanca da domicil.
Ulteriuras infurmaziuns survegnis Vus dal ressort da dimora, numer da telefon: 081 257 25 28
Link als formulars da dumonda
Link a la dispensaziun da l'obligaziun da discreziun