La polizia chantunala dal Grischun ha duas novas polizistas e 13 novs polizists. En la sala dal cussegl grond a Cuira èn ellas ed els vegnids integrads en il corp en il rom d'ina festa.

Cun dar il maun sur la bandiera dal corp da polizia han las duas novas ed ils 13 novs commembers dal corp dà lur empermischun d'uffizi al cumandant, colonel Walter Schlegel. Il cusseglier guvernativ dr. Christian Rathgeb ha gratulà a las brevetadas ed als brevetads en sia allocuziun per l'examen professiunal federal reussì. A la ceremonia èn sa participads confamigliars, instructurs sco er numerus represchentants da la politica, da l'administraziun e d'organisaziuns partenarias. Sco ch'igl è tradiziun, è la festa da brevetaziun vegnida enramada da la musica da polizia dal Grischun.

Lieus da staziunament per il 1. d'october 2017
Las duas novas ed ils 13 novs commembers dal corp da polizia han cumenzà lur scolaziun l'october 2016 a la scola da polizia da la Svizra orientala ad Amriswil. Il 1. d'october 2017 entran els en servetsch als suandants lieus da staziunament:

Emmanuelle Balestra, basa da la polizia da traffic San Bernardin
Timmy Bernet, post da polizia Scuol
Fabio Buchli, basa da la polizia da traffic Cuira
Nico Cathomen, post da polizia San Murezzan
Roman Christoffel, basa da la polizia da traffic San Bernardin
Martin Kaiser, post da polizia Zernez
Yves Lutz, basa da la polizia da traffic Silvaplauna
Burhan Luzha, basa da la polizia da traffic Tusaun
Andrin Marugg, post da polizia Samedan
Franziska Mauron, post da polizia Flem
Ursina Rhyner, post da polizia San Murezzan
Lukas Sieber, post da polizia Arosa
Bojan Smiljanić, post da polizia Roveredo
Gian Wetten, basa da la polizia da traffic San Bernardin
Remo Zanolari, basa da la polizia da traffic Silvaplauna