En ina ceremonia festiva – a la quala han participà giasts e commembras e commembers da la famiglia en relaziun cun la polizia – han 14 policistas e polizists gists examinads fatg l'empermischun d'uffizi ed èn entrads uffizialmain en il corp da la Polizia chantunala dal Grischun. Il cumandant Walter Schlegel ed il president da la regenza Peter Peyer han drizzà pleds commovents a las persunas gist saramentadas. La Musica da polizia dal Grischun ha accumpagnà musicalmain la festa.

Suenter ina scolaziun intensiva da dus onns èn las tschintg novas polizistas ed ils nov novs policists venderdi vegnids integrads en il corp da policia. Cun dar il maun sur la bandiera dal corp han ellas ed els dà lur empermischun d'uffizi al cumandant Walter Schlegel. «Mintga singula e mintga singul vegn di per di a star bun per mantegnair il dretg, la segirezza e l’urden, proteger en situaziuns difficilas ed agir en situaziuns d'urgenza. Cuminaivlamain e cun superbia ed integritad faschain nus frunt a las sfidas che sa midan da la societad odierna che sa midan. E nus surpigliain nossa responsabladad», di Schlegel. Il president da la Regenza Peter Peyer ha gratulà als giuvens spezialists ed a las giuvnas spezialistas per l'examen professiunal reussì: «Ellas ed els represchentan la proxima generaziun da policistas e poliists che s'engaschan a moda professiunala, engaschada ed empatica per proteger la cuminanza en il chantun.»

Grad pli aut – dapli responsabladad
Parallelamain a l'augment dal corp considerabel èn er 73 policistas meritaivlas e policists meritaivels vegnids promovids èn grads pli auts. Lur prestaziun ch'ellas ed els han cumprovà, lur funcziun d'exempel e lur engaschament èn uschia vegnids reconuschids ed appreziads. «Cun avanzar en ina posiziun pli auta, s'augmenta er la responsabladad, spezialmain en il sectur da la direcziun e da l'accumpagnament dal persunal. Vus tuttas e tuts essas responsabels per in bun clima da lavur», ha appellà Schlegel.

A la festa en l'auditori da la Banca Chantunala Grischuna a Cuira èn plinavant 14 collavuraturas e collavuraturs vegnids obligads e 7 collavuraturas e collavuraturs civils vegnids beneventads ch'èn tuttas e tuts entrads en la Polizia chantunala dal Grischun en il decurs da l'onn.