Er en Svizra datti differentas furmas da commerzi cun umans. Las victimas na pon per il pli betg sa deliberar cun l'atgna forza da la situaziun da sfruttament. Ellas èn dependentas da l'agid d'autras persunas. Perquai èsi impurtant che uschè blera glieud sco pussaivel enconuschia ils indizis da commerzi cun umans e sappia nua che victimas pon ir per agid e sustegn.

Las furmas da commerzi cun umans pon esser fitg multifaras. Pertutgadas pon esser persunas da mintga schlattaina, vegliadetgna ed origin. En il mintgadi pudain nus inscuntrar dapertut ina victima potenziala: en l'ospital, en in center d'asil, sin via, sin in plazzal, en in tegnairchasa privat ed en numerus auters lieus da lavur. Tge indizis ch'i dat, sch'ina persuna è victima da commerzi cun umans ed a tgi ch'ins po s'adressar, pon ins leger sin la pagina-web da la rait svizra Plateforme Traite.

Ulteriuras infurmaziuns: www.plattform-menschenhandel.ch