Per s'approfundar

Elavuraziun: Uniun Reliefs, en collavuraziun cun il Post spezialisà per l'integraziun da migrantas e migrants e per la prevenziun dal rassissem IMR da Friburg

1. Tge continent è l'origin da tut ils umans?

Nus tuts derivain oriundamain da l'Africa, nua che noss emprims perdavants han vivì avant 100'000 onns.

2. Co declera la scienza ch'i dat sin quest mund umans cun differentas colurs da la pel?

Da princip ha la scienza duas differentas explicaziuns:

• L'ambient da noss perdavants ha per part influenzà nossa cumparsa: avant millis onns protegiva ina pel stgira dal sulegl en regiuns suleglivas. En regiuns main suleglivas permetteva ina pel clera percunter d'absorbar meglier radis da sulegl ch'èn necessaris per la producziun da vitamin D.
• Era disas culturalas pon influenzar nossa cumparsa, p.ex. tge che nus mangiain u cun tgi che nus survegnin uffants. Cun las pussaivladads da viagiar che nus avain oz èsi pli simpel per la populaziun mundiala da sa maschadar. Uschia resultan novas cumbinaziuns da gens e novas fatschas.