Il center da cumpetenza per il management dal persunal

L'Uffizi da persunal è suttamess al Departament da finanzas e vischnancas. Nus surpigliain differentas incumbensas interdisciplinaras en il sectur strategic ed operativ dal management dal persunal per tut ils posts da servetsch da l'administraziun chantunala dal Grischun, las dretgiras chantunalas, l'Assicuranza d'edifizis dal Grischun, l'Institut d'assicuranza sociala dal chantun Grischun sco era la Cassa da pensiun dal Grischun.

Nus sustegnain la Regenza e l'administraziun da realisar la politica da persunal e d'applitgar a moda unifitgada il dretg da persunal.

Nus essan ultra da quai involvids en divers projects ed incumbensads d'elavurar las basas da decisiun per il Cussegl guvernativ e la Regenza.

Sut Temas chattais Vus ulteriuras infurmaziuns davart nossa purschida da servetschs.

Plazzas da lavur, plazzas d'emprendissadi e prestaziuns accessoricas

As infurmai davart nossas plazzas vacantas e davart las prestaziuns accessoricas da l'administraziun chantunala dal Grischun sco patruna.

Vegni a savair dapli davart las 20 differentas professiuns cun emprendissadi e davart nossas plazzas d'emprendissadi vacantas.